ဟိန္ဒီဘာသာပြန်ကဗျာများ ဘုတ်အုပ်ထုတ်ရန် ကြိုးစားနေပြီဖြစ်ကြောင်းကို အသိပေးသင့်/မသင့် စဉ်းစားနေပါကြောင်း...။

ခေတ်ကြီးကတော့ ပျက်နေပါပြီလေ…။
ခေတ်ဆိုတာကတော့ကိုယ်အသုံးမကျတိုင်းလွှဲချရတဲ့အများသုံးစကားလုံးတစ်ခုပေါ့နော်၊ကိုယ်ကလည်းအများ ထဲကတစ်ယောက်ဆိုတော့ခေတ်ကိုပဲလွှဲချရပေမပေါ့။အရပ်ဆယ်မျက်နှာကြားလို့မှမတော်။ဘယ်တတ်နိုင်မလဲ
လေ…ခေတ်ပျက်ကြီးကိုး….။ဘုန်းကြီးဖြစ်ပြီးကွာ၊ပြောရမှာရှက်စရာကြီး၊ရှက်လည်းပြောရမှာပဲ၊သစ္စာရှိပြီးရိုး
သားဖြူစင်တဲ့ဘလောဂ်ဂါဆိုတော့လည်း(ဟီ..ဟီး)အတင်းတော့ပြောတတ်ရမှာပေါ့။

သိတဲ့အတိုင်းပဲလေ….ဟိုတလောက….အင်းဟိုတလောက..ဆိုပေမယ့်မကြာသေးဘူးဗျ၊ဗာရာဏသီ,ဆာရနာ
ထ်နားက...ဣမလီယားဆိုတဲ့တောရွာလေးကိုကျောင်းသားလေးတွေနဲ့တွေ့ရင်းသာသနာပြုကြွတော်မူသော
ဆရာတော်ကြီးဓမ္မဂင်္ဂါနှင့်အတူကပ်ပါသွားတဲ့,ပေါက်ကရခြောက်ဆယ်နာမည်တွေပေးပြီးဟိုငြိဒီငြိပလိစိ
ခြောက်ချက်စာတိုပေစလေးတွေရေးနေတဲ့(ချီးမြှောက်လှချည်းလားဗျ)ဟိုဗျာ…နောသာဂရဆိုလား,
ဂျိန်းကြောင်ဆိုလားအဇာတသတ်ဆိုလား,ဂလုဂလုဆိုလာ,ရှင်းရှိန်ဆိုလား,ပုထုဇဉ်ရိုးရိုးဆိုလား,သင်္ကြန်မှာ
ကိုက်တဲ့တစ္ဆေဆိုလား,လူစီတောရဆိုလားဘလောဂ်ဂါကိုထွင်နောကြီးလေ…အဲဒီ(၂၉)ရက်နေ့ကမှတွေ့တဲ့
ဣမလီယားရွာကကျောင်းဆရာမလေးပရိယန်ကာပူဂျာ(B.A)လေးနဲ့အဟဲ....အဟဲ…......Nanoနည်းပညာ
သုံးဇာတ်လမ်းလေးဖြစ်ပြီး(၁.၄.၂၀၁၀နေ့၁း၁း၁းAM)အချိန်မှာခိုးပြေးသွားဆိုပဲဗျာ၊ကျုပ်တို့မှာ
မျက်နှာပူလိုက်ရတာ။မြန်မာပြည်မှာဆိုတော်သေးတယ်ဗျာ၊အပျိုကြီးတစ်ယောက်မဆုံးရှုံးတော့ဘူးပေ့ါ့။
အခုတော့....ဘယ်ကောင်းမလဲဗျာ…နော်။အခုဘယ်ဆီရောက်နေကြမှန်းမသိရသေး။ထိုသတင်းရလျှင်
ရခြင်းဂုဏ်သိက္ခာကြီးမားကြသောဗာရာဏသီပုံနားတစ်စုတို့ညီညာဖျဖျတွေ့ဆုံစည်းဝေးကြပြီးတိတ်တ
ဆိတ်လက်ခုပ်လက်ဝါးတီးကာသာဓုခြောက်ကြိမ်ခေါ်နေကြသည်ဟူ၏။ရဟန်းတော်များဂုဏ်သိက္ခာထိပါး
နိုင်သဖြင့်ဓာတ်ပုံနှင့်တကွဖေါ်ပြလိုက်ရပါသည်။
ဧပြီ ၁။
မြတ်ဗုဒ္ဓ၏မဟာသတိပဋ္ဌာန်တရားတည်းဟူသောဧပြီအရူးပျာက်ဆေးတော်ကြီးကိုအလွယ်တကူသောက်
သုံးတော်မူနိုင်ကြပါစေ.....။
ကိုနော
၁.၄.၂၀၁၀


ငါတို့ အိမ်ပြန်လမ်း ပျောက်နေကြတယ်…။
ငါတို့ အိမ်ပြန်လမ်း မေ့နေကြလေရဲ့ နေ့တိုင်း …
ငါတို့ကို အိမ်မှာ မတွေ့လို့  လိုက်ရှာနေသူအတွက်
နှစ်တွေသာ ရှေ့တိုးနေခဲ့ပေါ့…

အိမ်ကို လွမ်းတယ်
ရေနစ်နေတဲ့ သင်္ဘောလို
အိမ်အလွမ်းက လှုပ်ခါဆဲ…
အိမ်ကလေးလည်း စီးမျောဆဲ….

ငါတို့ အိမ်ယာမဲ့ဘ၀နဲ့ အိမ်ပြန်လမ်း
ပျောက်သွားပြီးတဲ့နောက်
စုဆောင်းထားတာလေးတွေ
အလုပ်ဖြစ်သွားတဲ့အခါမှာတော့
ငါတို့စိတ်ကို ပလာစတာကိုင်လိုက်ကြတယ်။

(က၀ိတာ အဂ်ျကလ်ကဗျာစာအုပ်မှ နီလာဘ်၏ ဃား(ရ်)ကိုပြန်ဆိုပါသည်။)

ကိုနော
၂၆.၃.၂၀၁၀


၂၇.၃.၂၀၁၀နေ့…..
လုပ်နေကြအတိုင်း ကော်ဖီခွက်နှင့်သတင်းစာကောက်ကိုင်လိုက်သည်။
သတင်းစာသမားဘာစိတ်ကူးပေါက်သည်မသိ။INEXTပို့ထားခဲ့သည်။နေ့တိုင်းCOMPACTပို့နေကျဖြစ်သည်။
လက်လွယ်ရာပစ်ထားခဲ့သည်ထင်ပါ့၊ဈေးကလည်း တစ်ကျပ်ခွဲချင်းတူနေသည်ကိုး…။ကိစ္စမရှိ၊သတင်းများများ
ပါဖို့ အရေးကြီးသည်။
`ယနေ့ ၂၇ရက်…..ဆန်ဆကရစ်တက္ကသိုလ်၌ (၂၈)ကြိမ်မြောက်ဘွဲ့နှင်းသဘင်ကျင်းပမည်။သဘာပတိ
အဖြစ် ပြည်နယ်ဂါဗနာ ဘီအယ်လ်ဂျိုရှီက ဆောင်ရွက်မည်ဖြစ်ပြီး အထူးဧည့်သည်တော် တရားရုံးချုပ်ရှေ့နေ
ဒလ၀ီရဘဏ္ဍာရီက ထူးချွန်ကျောင်းသား(၅၄)ယောက်ကို ရွှေတံဆိပ်ချီးမြှင့်မည်ဖြစ်သည်။ (၁၁း၃၀)တွင်
အခမ်းအနားစတင်မည်ဖြစ်သည်။´တဲ့...။

PhDသမားများတောင်မှ အခမ်းအနားတက်ရုံသက်သက်ပါလား…ဘွဲ့ဝတ်စုံနဲ့ဘွဲ့လက်မှတ်ကိုကြိုထုတ်ပေး
ပြီးသားဆိုတော့။ကိုနောတို့ M.A သမားတွေ ဘာသွားလုပ်မှာလဲ၊အပူချိန်(၄၂)ရှိတဲ့အချိန်ကြီးကွာ၊ဘွဲ့နှင်း
သဘင်ကလည်း..၊ပြီးတော့ အခမ်းအနားကလည်း ကွင်းပြင်ကြီးထဲထိုးထားတဲ့မဏ္ဍပ်ကြီးထဲမှာ…၊
ဘာပဲဖြစ်ဖြစ်လေ…ကိုယ့်တက္ကသိုလ်မှာ ကျင်းပတာဆိုတော့လည်း သွားကြည့်သင့်တာပေါ့လေ…။
သွားမယ်ကွာ….ပူရုံနဲ့တော့မသေလောက်ပါဘူး…။
ချပ်ဝတ်တန်ဆာကိုသေချာစွာဆင်မြန်းလိုက်သည်။ရေဗူးအပါအ၀င်ဖြစ်သောလွယ်အိတ်ကိုလွယ်လိုက်သည်။
သင်းပိုင်အဟောင်းလေးကို ခေါင်းပေါင်းသဖွယ်ပြုလိုက်သည်။ထီးကိုင်လိုက်သည်။
ကားငှားသည်။ချီတက်သည်။
အတော်ပူသကွာ…။
အခမ်းအနား စတင်နေလေပြီ….။
အခမ်းအနားအစီအစဉ်ကို သက္ကတဘာသာဖြင့် ဖတ်ကြားကြေငြာနေသည်။ကိုနောတို့ ဟိုနားမတ်တတ်
ဒီနားမတ်တတ် လှည့်ပတ်ကြည့်သည်။၂၀၀၆တုန်းလောက် မစည်းကားချေ။ထိုစဉ်က ကျောင်းသားသမဂ္ဂ
လည်းရှိသည်။ကိုနောတို့ မျက်စိငယ်နေသေးလို့လည်းဖြစ်နိုင်သည်။ တစ်နေရာဝင်ထိုင်လိုက်သည်။
ရသမျှစပ်စုသည်။အမျိုးသမီးများဘက်ခြမ်းတွင်လူစီရှိနေသည်။အရှေ့ဆုံးတန်းတွင်ဖြစ်သည်။ဓာတ်ပုံရိုက်ဖို့
စိတ်ကူးရသော်လည်း ပရိတ်သတ်အကြားတွင် အခက်အခဲရှိနေသည်။ခပ်လှမ်းလှမ်းတွင်တိဗက်ကျောင်းသား
အရှည်ကြီးကိုတွေ့သဖြင့် နှုတ်ဆက်လိုက်သည်။

`ချိုဆဖေဂျီ မတွေ့တာ ကြာပြီနော်…၊´
`မတွေ့ဆို ဒေလီမှာ အလုပ်လုပ်နေတယ်´
`တယ်ဟုတ်ပါလား…ဘာအလုပ်လဲ´
`RFAမှာ အသံလွှင့်နေတယ်´
`ကောင်းတယ်ဟ´
`မင်းတို့ မြန်မာ့အသံလည်းရှိတယ်…တရုတ်လည်းရှိတယ်…´
`ဟုတ်တယ်..နားထောင်ဖူးတယ်…မင်းတို့တိဗက်ဆန္ဒပြပွဲလေး ဘာလေးမရှိတော့ဘူးလား´
`ရှိရင် ခေါ်မယ်နော်´
`အချိန်မရွေး…နောက်မှတွေ့မယ်´

`ကိုပိန် အခုတက်လာတာ ဓမ္မပိယမဟုတ်ဘူးလား´
`ဟုတ်ပဗျာ…သာဝတ္ထိကုလားဘုန်းကြီးအစစ်ပါ´
`သူကရွှေတံဆိပ်ရတယ်ဟုတ်လား…ကောင်းပါတယ်လေ..ဟိုတလောကဆာရနာတ်မှာတွေ့တော့ရွှေတံဆိပ် ရကြောင်းမပြောပါလား….ယူပီပြည်နယ်ဗုဒ္ဓဘာသာအဖွဲ့မှာအဖွဲ့ဝင်ဖြစ်နေကြောင်းနဲ့လက္ခနောင်းတက္ကသိုလ် မှာ PhDလုပ်မယ်ဆိုတဲ့အကြောင်းပဲပြောတယ်´
`ကိုနောကို ဘယ်ပြောရဲမလဲလေ..သူက ကိုနောဆီမှာ စာအမြဲတန်းမေးနေရတာမဟုတ်လား´
`အင်း…ဆိုင်တော့ မဆိုင်ဘူးဟ…အစဉ်အလာအရကတော့ အိန္ဒိယနိုင်ငံသားတွေကိုပဲ ပေးတာများပါတယ်
…...သိပ်ပူတယ်ကွာ….စာအုပ်ပြပွဲသွားကြစို့ဦး´
လူစီ ကား ဆာရီအဖြူကို ကုလားမများကဲ့သို့အကျအန၀တ်ဆင်ထားပြီး အာရုံစိုက်ကောင်းနေတုန်းဖြစ်သည်။

စာအုပ်ပြခန်းထဲရောက်တော့ ကိုနော အတော်ရှိန်သွားသည်။ဆန်ဆကရစ်တက္ကသိုလ်မှ ထုတ်ဝေသော စာ
အုပ်များကို ပြသထားပြီး လျှော့ဈေးဖြင့်ရောင်းချနေခြင်းဖြစ်သည်။စေ့စေ့စပ်စပ် လိုက်ကြည့်မိသည်။
ကိုနော ရှင်းရှိန် ရှိန်သွားသည်။စာပေတာဝန်ကျေပွန်လှသောတက္ကသိုလ်ကြီးပါတကား။ရှားပါးစာအုပ်များစုံ
လင်လှသည်။မြန်မာပြည်ဖြစ် ပါဠိစာအုပ်များကိုလည်းတွေ့ရသည်။သဒ္ဒါကျမ်းက အများစုဖြစ်သည်။မြန်မာ
ဖြစ်ခြင်းကြောင့် ဂုဏ်ယူနေမိသည်။ထိုင်းနိုင်ငံဖြစ်နာမည်ကျော် ဇိနကာလမာလိနီကျမ်းကို ၀ယ်ယူဖြစ်လိုက်
သည်။ ၀ံသအနွယ်ဝင်ကျမ်းမြတ်တစ်ဆူတည်း။
စာအုပ်ပြခန်းမှ ထွက်လာခဲ့ကြသည်။အခမ်းအနားပြီး၍ တစ်သုတ်ပြီးတစ်သုတ် ထွက်လာနေကြချေပြီ။
အပူရှိန်အပြင်းဆုံးအချိန်ဖြစ်သည်။
`ကိုပိန် ရေ…ပြန်တော့မယ်ကွာ´
`ဓာတ်ပုံလေး ဘာလေး မရိုက်တော့ဘူးလား´
`တော်ပြီကွာ…ဒေါက်တာဘွဲ့ကျမှ အားရပါးရ ရိုက်တော့မယ်´

ရေတစ်ချိုင့်မော့လိုက်သည်။
သင်းပိုင်အဟောင်းလေးကို ခေါင်းပေါင်းသဖွယ်ပြုလိုက်သည်။
ထီးဖွင့်လိုက်သည်။
နေပူထဲစလျှောက်သည်။အငှားကားများတက္ကသိုလ်ထဲ ၀င်ခွင့်မရှိပေ။
ဟော…ဟိုမှာ လူစီ..။ပိုဝနေပါလား..။

`နမတ်စတေး´(လူစီ လက်အုပ်ကလေးချီသည်)
`ဟိန္ဒီ အာတီး ဟို´(ဟိန္ဒီစကားတတ်သလား)[တတ်မှန်းသိ၍မေးခြင်းဖြစ်သည်]
`အားတီး ဟဲ´(တတ်ပါတယ်)
နေပူထဲတွင် ပြောနေကြရသဖြင့် ကိုနောက ထီးကို မသိမသာမိုးပေးထားလိုက်သည်။

`အခု ဘယ်မှာ နေတာလဲ´
`ဂံဂါနားက ဘုရားကျောင်းတစ်ကျောင်းမှာပါ´
`လွန်ခဲ့တဲ့ (၃)လလောက်က သတင်းစာမှာ လူစီအကြောင်းဖတ်ရတယ်´
`ဟုတ်ပါတယ်´
အပူရှိန်အတော်ပြင်းသည်။စကားအများကြီး မပြောနိုင်ပေ။
`နောက်မှ တွေ့ကြဦးမယ်လေ´
`ဟုတ်ကဲ့ပါ´
ဓာတ်ပုံရိုက်ဖို့မေ့သွားသည်။ကိုနော ချွေးပြန်နေချေပြီ။အေးလေ….ပူလည်း ပြန်ရမှာပဲ…။
ကားစောင့်နေသည်။လမ်းလျှောက်ပြန်သွားသောလူစီကို လှမ်းကြည့်လိုက်သည်။
`ဟိုက်….လူစီမှာ ဖိနပ်လည်း မပါပါလား´
လူစီကား အေးဆေးပင် ဆက်လျှောက်သွားလေသည်။
အဘယ်ရှိန်နည်းဖြင့် ရှိန်ရမှန်း မသိတော့သည်သာတမုံ့...။

မှတ်ချက်။   
ရှင်းရှိန်ဟူသည် ရှင်းရှင်းလင်းလင်း ရှိန်သွားခြင်းဖြစ်သည်။ဤအသုံးအနှုံးကို မည်သည့်အဘိဓာန်တွင်မျှမရှာ
ဖွေခြင်းက ပို၍သင့်လျှော်ဖွယ်ရှိပါကြောင်း။

ကိုနော
၂၇.၃.၂၀၁၀

 အချိန်နဲ့ကစားရတာ ပွဲတစ်ဝက်နဲ့ မောသကွာ
၇၅-နဲ့အတူ စီးခဲ့တဲ့ မြစ်ပါ…။
အဇ္ဈတ္တအာသာ
ပေါ် ပေါ်သမျှ ပလုံးပထွေး မျို မျိုချခဲ့ရ…
လိုင်စင်မဲ့ ဒုက္ခတွေပေါ့….။

ကျောပိုးအိတ်လွယ် ဆိုင်ကယ်လေးနဲ့လမ်းသလားမယ်…
ကောင်မလေးတစ်သိုက် နောက်ကလိုက်
ဆိုက်ဂိုက်လေးတော့ ပြချင်တယ်…..
ဂလု ဂလု….ဂလု
`ဧတံ မင်္ဂလမုတ္တမံ…မုတ္တမံ´….။

စိမ်းစိမ်းစိုစို တက္ကသိုလ်တေး
ခြေဆင်းလေးဖြစ်ဖြစ် သီချင်သေး…
အဓိပတိလမ်းဆိုလား….မထိတထိအနမ်းဆိုလား….
ဂလု ဂလု…..ဂလု
`တေန  ခေါ ပန သမယေန…..သမယေန´……။

မနေ့က ခင်လေး
ဒီနေ့ ပိုလှလို့ပါလား…..
မြန်နှုန်းမြင့်အချစ်
သံစဉ်မစစ်လည်း အလုပ်ဖြစ်တယ်…
ဆံတော်ရှင်ထံပါး
သစ္စာစကား တိုင်ချင်တယ်…..
ဂလု ဂလု……ဂလု
`မနက်ဖြန် ရအောင်ကျက်ခဲ့ကြ…..ကျက်ခဲ့ကြ…..။´

`ငအေးသား မလေးရှားမှာ အဆင်ပြေသတဲ့´
မရှိ်မရှား ငါးပိစားတဲ့ အမေ့အိမ်လေး ပြင်ချင်တယ်…
ဂလု ဂလု….ဂလု
`ဒီကျမ်းမှာ ဒီလို ဆိုသဗျ….ဟိုကျမ်းမှာ…ဟိုလို…´။

မင်းကိုနိုင်ပုဆိုး တစ်ရေးနိုး ထလျှော်မယ်
သံခမောက်ရရင် ဒီပဲယင်းခဏသွားချင်တယ်
ဂလု ဂလု…..ဂလု
`အရှေ့အရပ်၌ရှိသော အနန္တစကြာဝဠာ…..အနန္တသတ္တ၀ါတို့…..´။

ဝေါဟာရဈေးကွက် ပွဲတစ်ဝက်က ၀င်နွှဲမယ်
ဂလု အဲ အဲ မဂလုဘူး…
ဒါလေးတော့ မြည်းကြည့်ဦးမှပဲ…
အား ပါး ပါး….စပ်လှသဟ
ထွေးပစ်ရနိုး….
မျိုရနိုး….
အခြေအနေကောင်းရင် လက်တို့ဦး(အုံး)……။

ကိုနော
၂၇.၃.၂၀၁၀














`ယာဒေါဂျီ ဥပ၀ါစ် ဟိုရဟာ…?(ယာဒေါဂျီ ဥပုသ်စောင့်သလား…)
`မစောင့်ဘူး´
မမဝေဆယ်နှစ်ပြည့်မဂ္ဂဇင်းတော်ကြီးအမြန်ဆုံးစက်တင်နိုင်ရန်အယ်ဒီတာအဖွဲ့ဟုသမုတ်အပ်သောကိုနောတို့ လူမမယ်တစ်စုသည်မြန်မာစာအုပ်မှန်သမျှအပိုင်စားရထားသောရာမ်းကေ၀လ်ယာဒေါအိမ်သို့နေ့စဉ်ချီတက်
နေကြရသည်။ထိုရက်ပိုင်းသည်ဟိန္ဒူများကိုးရက်တိုင်ဥပုသ်စောင့်ကြသောနေ့ရက်များဖြစ်သည်။ဆောင်းအ
ထွက်,နွေအ၀င်ရာသီအဆုံ,ရာသီအပြောင်း၌ခန္ဓာကိုယ်ရှိဒွါရကိုးခုတို့တစ်စုတစ်ပေါင်းတည်းဖြစ်စေရန်ရည်
ရွယ်၍ကိုးရက်ဥပုသ်စောင့်ကြသည်။နောရတ်သရီး(န၀ရတ္တရီ)ဟုခေါ်သည်။

(၁)နှစ်လုံးစုဆောင်းမိနေသောအညစ်အကြေးများကင်းစင်၍ကျန်းမာအသက်ရှည်ရန်ရည်ရွယ်ကြခြင်းဖြစ်
သည်။ညနေခြောက်နာရီမှမနက်ခြောက်နာရီအတွင်းနွားနို့နှင့်ရေမှလွဲ၍ဘာမျှမစားမသောက်ကြချေ။ဥပုသ် စောင့်ခြင်းဟူသည်ကိုယ်နှင့်စိတ်ကိုထိန်းသိမ်းခြင်းဖြစ်သည်။ညဘက်အစာစားခြင်းကိုရှောင်ကြဉ်၍စိတ်ကို လွှတ်ထားလျှင်ဥပုသ်စောင့်ရာမရောက်ဟုဘာသာတရားကလမ်းညွှန်ထားသည်။               (၁၇.၃.၂၀၁၀နေ့ထုတ်compact သတင်း စာမှ)

`အများစုက ဥပုသ်စောင့်နေကြတယ်မဟုတ်လား´
`ဟုတ်တယ်...ကျုပ်အတွက်တော့ မလိုအပ်ဘူး´
`ဘာဖြစ်လို့လဲ´
`အလုပ်လုပ်နေတဲ့လူတစ်ယောက်အတွက်အစာမစားဘဲနေဖို့အတော်ခက်တယ်၊ဘုရားကဒီလောက်ခက်ခဲ အောင်လုပ်ထားမှာမဟုတ်ဘူး၊ခက်ခဲအောင်လုပ်ထားရင်လည်းအဲဒီဘာသာကိုလူတွေကိုးကွယ်ကြမှာမဟုတ်ဘူး´
`ဆက်ပြောစမ်းပါဦး´
`ကျုပ်တို့က ဘုရားကို ယုံကြည်တယ်၊ အစာမစားဘဲ နေစရာမလိုဘူး၊ ကျုပ်အယူအဆက....
အတ်ချား ခါအိုး(ကောင်းကောင်းစား)
ထိုရား ခါအိုး(နည်းနည်းစား)
ရို့ဂ်ျ ခါးအိုး(နေ့တိုင်းစား)´အဲဒါပဲ…။
`ဆဟီး ဗာတ် ဟဲ(မှန်လိုက်တဲ့ စကား)…။

ကိုနော
၂၆.၃.၂၀၁၀

 ချွန်းတုတ်ကိုင် နိုင်နိုင်နှိပ်၍သာ,
များလူဗိုလ် ဆင်ကို ဆုံးမရှာ,
ချွန်းတုတ်မဲ့ တကယ့် တို့မြတ်စွာ,
အောင်နိုင်ခြင်း ဆင်မင်း ဦးညွတ်လာ….။
                                                                             (ရှင်အာဒိစ္စ၀ံသ)

ကိုနော
၂၅.၃.၂၀၁၀

 
ဆရာမ……      သား လာဦး…၊
ကျောင်းသား…..ဟုတ်ကဲ့ လာပါပြီဆရာမ…..၊
ဆရာမ……      သားတို့ အိမ်မှာ ဘယ်သူ အငယ်ဆုံးလဲ….?
ကျောင်းသား…  ဖေဖေပါ……၊
ဆရာမ……      ဟင် သားဖေဖေက သားထက်တောင် ငယ်သေးလား…?
ကျောင်းသား…. ဟုတ်ကဲ့ဆရာမ….၊
ဆရာမ……      ဘယ်လိုဖြစ်လို့လဲ…. ဆရာမကို ပြောပြပါဦး….၊
ကျောင်းသား…. သား ငယ်ငယ်က အမေနဲ့အတူ အိပ်ရတယ်….အခုကြီးလာတော့ တစ်ယောက်တည်းအိပ်                         တယ်….ဒါပေမယ့် ဖေဖေက အခုထိ မေမေနဲ့အတူ အိပ်နေတုန်းပဲ….။

(၂၃.၃.၂၀၁၀နေ့ထုတ်…compact သတင်းစာမှ ပြန်ဆိုဖေါ်ပြသည်။အဖေ့ကို သတိရပါသည်။)
ကိုနော
၂၄.၃.၂၀၁၀


Taslima Nasrin
Born 25 August 1962 
Mymensingh, Bangladesh

Occupation= poet, columnist, novelist

Nationality= Bangladeshi, Swedish

Subjects Humanism

Literary movement= Women's rights, Human rights, Secular movements


ကိုနော
၂၂.၃.၂၀၁၀

  မေ,ဇွန်မှာ မိုးတွေရွာ,
သရက်သီးများ မမှည့်တော့...
ဖရဲသီးများလည်း မရဲတော့မယ့်နေ့တွေ
မဝေးတော့ဘူး……၊

ဘုံဘေဒီဇင်ဘာတွေ ဒေလီရောက်လာမယ့်….
ကတ်ရှမီးယားပန်းသီးတွေ ဟိုက်ဒရာဘတ်ကနေ ရောက်လာမယ့် ညတွေ
မဝေးတော့ဘူး….၊

ဆာရီကို ဂျပန်ကီမိုနိုလို ၀တ်ဆင်ကြမယ့်
အခမ်းအနားတွေ
မဝေးတော့ဘူး….၊

လူစည်ကားတဲ့ ဈေးထဲက ပစ္စည်းနဲ့ပိုက်ဆံအိတ်တွေလို
အိမ်တွေမှာ အထီးတည်းနေကြတဲ့အခါ….
အားလုံးကို မိတ်ဆွေခေါ်ပြီး
ဘယ်သူနဲ့မှ မိတ်ဆွေမဖြစ်ကြတဲ့အခါ…
ဒီနေ့ ပန်းတွေရဲ့နာမည်တွေ မေးပြီး
မနက်ဖြန် မေ့သွားတဲ့အခါ…
အဲဒီလို အချိန်မှာတွေမှာ
ငါ့ကလေးတွေ ဘယ်မှာ ရှိနေကြမလဲ....ဆိုတာ
ဘယ်သူသိနိုင်မလဲ….
ကိုယ်လည်း တကယ်မသိဘူး….။
ဒါပေမယ့်
ကလေးတွေကတော့
ကလေးဘ၀မှာပဲ ကလေးလို တွေးနေကြလိမ့်မယ်….။

ကိုနော
၂၀.၃.၂၀၁၀
[က၀ိတာ အဂ်ျကလ်ကဗျာပေါင်းချုပ်မှ အိန္ဒုဂျိုင်း၏ ဗဟွတ် ဒူးရ် နဟီး ကို ပြန်ဆိုပါသည်။]


























`ကိုနောကြီး...လဇ္ဇာ ပြန်နေပြီဆို...´
`အေး...အစနဲ့အဆုံးတောင်ပြီးနေပြီ´
`လုပ်စမ်းပါဦး...အမြည်းလောက်...´
`အစကတော့ကွာ...ဆုရန်ဂျန်အိပ်ရာမှမထသေး...တဲ့၊ အဆုံးကတော့....ပြီးပါပြီ....တဲ့။´
`ဟာကွာ...ဘယ်လိုလူကြီးမှန်းလည်း မသိဘူး´

`ကိုနော ရေ...စာအုပ်က ထူသားပဲ ဟ´
`ဟုတ်ပ...စာမျက်နှာ(၁၇၀)ကျော်ရှိတယ်...အတော်လုပ်ရမယ်´
`ဘာသာပြန်တာကတော့ဟုတ်ပါပြီ....အချိန်အများကြီးပေးရမယ်..နော်...၊အဲဒါထားတော့...ရည်ရွယ်ချက်က
ဘာလဲ..?´
`ပထမရည်ရွယ်ချက်က...လက်ယားလို့ကွ...၊ဒုတိယ...ပေါက်သွားရင်စာအုပ်ထုတ်မယ်ဗျာ...ပါရဂူလက်သစ်
ပေါ့ကွာ..မပိုင်ဘူးလား´
`လက်ယားလို့ရေးတာကပြဿနာမရှိဘူး..ဟေ့....၊စာအုပ်ထုတ်မယ်ဆိုရင်တော့စဉ်းစားဦးနော်...လဇ္ဇာမှာ
ဘာသာရေးလည်းပါတယ်ဆို´
`အကုန်ပြောလိုက်ရင်ပရိသတ်တစ်ယောက်လျှော့သွားမှာပေါ့...´
`မလျှော့ပါဘူး...ကိုယ်ကကိုနောရဲ့ကြောင်ချက်တွေကိုသဘောကျပြီးသားပါ...ဒါနဲ့ဆရာပါရဂူကိစ္စကြားတယ်
မဟုတ်လား...စိတ်မကောင်းဘူးဗျာ..?´
`ဟို...အဓမ္မ၀ါဒဖြန့်ဖြူးသူလို့ စွပ်စွဲခံရတဲ့ကိစ္စလား...?´
`စွပ်စွဲတဲ့အထိတော့မဟုတ်သေးဘူးထင်ပါရဲ့...ဓမ္မရံသီကတိုက်ခိုက်ရုံသက်သက်ပဲရှိသေးတယ်ထင်တယ်...
အတိအကျတော့မသိသေးဘူးဗျ....ကိုနောသိတယ်မဟုတ်လား...သုံးသပ်ချက်လေးလုပ်ပါဦး...´
`၀ါး ဟား ဟား ဟီး ဟီး ဟဲ ဟဲ အိအိ ဂလု´
`ဘယ့်နှာကြီးလဲ....ရဟန်းရယ်ပုံလည်း မဟုတ်ဘူး´
`ကံဆိုးလှစွာသောလူကလေးမောင်ပိန်....အဲဒါကိုပြောချင်လွန်းလို့...နားထောင်မယ့်လူရှာနေတာအတော်
ကြာပြီ´
`ပြောစမ်းပါ..ဂျိန်းကြောင်ကြီးရဲ့´
`ဒါကဒီလိုရှိတယ်ကွ..ရှည်မယ်နော်...အဟင်း....ဟင်း....အို...ငါ့ရှင်မောင်ပဉ္စင်းချစ်လှအဆွေ...ကိုပိန်ရေ...
သေချာစွာနာယူမှတ်သားနားထောင်လေလော့....´
`ကြောင်ချက်ကတော့ ကမ်းကုန်နေပြီ´
`အမိရွှေပြည်မှာထေရ၀ါဒစစ်စစ်ကြွေးကြော်ထားတဲ့ဓမ္မရံသီမဂ္ဂဇင်းရဲ့ပင်တိုင်ဆောင်းပါးရှင်ဆရာတော်တစ်ပါး
ရှိတယ်ကွာ...ပါဠိမှတ်တမ်းအလွန်နိုင်တဲ့ဆရာတော်ဗျ...ဘာတဲ့ကလောင်က....မစိုးရိမ်စာသင်သား...ဟုတ်ပြီ.
သူတို့မှာဓမ္မနဲ့ပတ်သက်တဲ့အဖွဲ့လေးတစ်ခုလည်းရှိတယ်.....ရည်ရွယ်ချက်,လုပ်ဆောင်ချက်အတော်ကောင်း
တဲ့ဆရာတော်တွေဗျ....မိုးပြာကိစ္စမှာသူတို့ကြိုးစားခဲ့ကြတာ....ကိုပိန်လည်းဖတ်ဖူးမှာပေါ့´

`အဲဒါတွေ သိတယ်...ဆရာပါရဂူကိစ္စပြောပါလေကွယ်...´
`အဲဒါပဲပြောမလို့ပါကွာ....အဲဒီဆရာတော်ကပဲဦးအေးမောင်ရဲ့ဗုဒ္ဓနှင့်ဗုဒ္ဓ၀ါဒ,ဆရာပါရဂူရဲ့နာမည်ကျော်ဘာ
သာပြန်ဝတ္ထုတွေကိုအဓမ္မ၀ါဒဆိုပြီးတိုက်ခိုက်နေတယ်ကွာ..´
`ဦးအေးမောင်ကိစ္စကိုတော့ထားလိုက်ဦး...ကြုံတော့ပြောကြသေးတာပေါ့...ပါရဂူကိစ္စပဲ ဆက်ပါ...´
`လျှောက်တော့လိုက်မပြောနဲ့နော်...မင်းမို့လို့ပြောပြတာ...တော်ကြာ..ဂျိန်းအကြောင်းရေးတဲ့ငါ့ကိုပါတရားစွဲ
နေကြဦးမယ်´
`ပြောစမ်းပါလိုရင်းကို...´
`ဆရာပါရဂူဟာစာနှစ်မျိုးပဲရေးတယ်လို့ကြားဖူးသကွာ...တိုက်ရိုက်ဘာသာပြန်နဲ့ကိုယ်တိုင်ရေးပေါ့...မှီးပြန်,
မှန်းပြန်မရှိဘူးကွ...ဘာသာပြန်ဆိုရင် လူနာမည်တောင် မပြောင်းဘူးကွာ´
`အခုက ဘယ်စာအုပ်တွေဖြစ်တာလဲ´
`သိဒ္ဓတ္ထ,ဗုဒ္ဓဒိုင်ယာရီ,စိတ္တရလေခါတို့ထင်တာပဲ...အသက်ကလေးလည်းရလာပြီဆိုတော့အမြဲတမ်းအများကြီး မမှတ်နိုင်တော့ဘူးဟေ့...စိတ္တရလေခါကတော့သေချာပါတယ်´
`စိတ္တရလေခါလည်း တိုက်ရိုက်ဘာသာပြန်ပဲနော်´
`ကိုယ်တောင် တိုက်ဆိုင်ကြည့်နေသေးတယ်....နိဒါန်းမှာ အကုန်ပါသားပဲ´
`ဖြစ်ပုံကို ပြောပါဦး´
`စိတ္တရလေခါပါ အကြောင်းအရာအချို့ ထေရ၀ါဒပိဋကတ်နဲ့ မညီညွှတ်လို့တဲ့ကွာ´
`ဟိုက်...ဟုတ်ပါ့မလားကိုနောရဲ့...ဘယ်ဘာသာဝင်မှန်းမသိရတဲ့လူတစ်ယောက်ရေးတဲ့စာကိုပိဋကတ်နဲ့ညှိ ကြည့်တယ်ဆိုတော့....အခက်ကြီး....ဟ......ဆရာတော်တွေဒီလောက်ဦးနှောက်မနည်းလောက်ပါဘူး......
အခြား အကြောင်းရှိဦးမှာပါ´
`အင်း...ဖိအားတစ်ခုခုတော့ရှိမယ်ထင်တယ်´
`ဆရာပါရဂူနဲ့ဘာမှ မဆိုင်သေးပါလား´
`ဆိုင်ခိုင်းရင် ဆိုင်တယ်ကွာ...ကျော်ကြားတဲ့စာအုပ်ကို ဘာသာပြန်လို့ဖြစ်မှာပေါ့ကွ´
`ဟ..ဘာသာပြန်ဆရာကတော့ ဘာသာပြန်ခြင်းအမှုကိုပြုမှာပဲဟေ့´
`ဆရာပါရဂူသိရင် ပြုံးနေမှာပဲ´
`ကိုယ်သာဆို ရယ်ခွဲပစ်မှာ....ဘာပဲဖြစ်ဖြစ်...ကိုနောလည်းသတိထားပေါ့....ဒါနဲ့ကိုနောပြောတဲ့ဖိအားတစ်ခု
ခုဆိုတာဘာကိုဆိုလိုတာလဲ´
`ဖိအားတစ်ခုခုဆိုတာကပိဋကတ်လာတော့မဟုတ်ဘူးနော်...ထင်တာကိုပြောရမယ်ဆိုရင်
(၁) တစ်စုံတစ်ယောက်ကမြှောက်ပင့်ပေးခြင်း
(၂) ထေရ၀ါဒဆိုင်းဘုတ်လှလှလေးကိုင်ပြီးမဏ္ဍပ်တိုင်တက်ပြလိုခြင်း...
(၃) ဦးနှောက်တစ်ခြမ်းဖွင့်ဖို့ password ပျောက်ဆုံးနေခြင်းစသဖြင့်ပေါ့ကွာ´
`ဘယ်လိုကြီးလဲဟ...သုံးသပ်ချက်ကြီးကလည်း´
`ဟောဗျာ...ဖြစ်ရပြန်ပြီ...ပြောသားပဲ...ပိဋကတ်လာမဟုတ်ဘူးဆိုတာ´
`ကိုနောတို့...ဆရာပါရဂူဘက်က နည်းနည်းပါးပါး ပြန်ရေးကြပါလား´
`မလုပ်ပါနဲ့ကွာ....ဆိုင်းဘုတ်လှလှလေးကိုင်ပြီးစိတ်ဆင်းရဲမခံနိုင်ဘူး...အမိရွှေပြည်ကပညာတတ်များရဲ့မျက်
လုံးတွေကိုပြန်စစ်ဆေးသင့်နေပြီထင်တယ်ကွာ´

`ဒါတွေ ထားလိုက်ပါတော့.....လဇ္ဇာအကြောင်းလေးပြောပါဦး´
`လဇ္ဇာက သိပ်ကောင်းတယ်ကွာ...ဘာသာပြန်က ပိုတောင်ကောင်းသေး´
`တော်တော်ပြောင်တဲ့လူပဲ....တတ်စ်လီမာနတ်စ်ရိန်းက ရှိသေးတယ်မဟုတ်လား´
`ရှိသေးတယ်...ကာလကတ္တားမှာ ခုံလှုံနေတယ်´
`သူ့စာအုပ်ကို ထုတ်ဝေမယ်ဆိုရင် သူနဲ့စကားပြောရဦးမလား´
`မသိသေးဘူး....မူပိုင်ခွင့်ကိစ္စတွေကိုယ်နားမလည်သေးဘူး....လိုပါသေးတယ်လေ...လိုအပ်လာရင်တော့
လည်းထုံးစံအတိုင်းခိုးပြေးရမှာပဲ´
`ကိုယ်ထင်တယ်....လဇ္ဇာလည်း ခိုးရာလိုက်လောက်ပါတယ်´
`အင်း...ကြည့်လုပ်ကြသေးတာပေါ့´
`ဒါနဲ့ငါတို့ပြောနေတဲ့စကားတွေပိဋကတ်နဲ့ညီရဲ့လား...ဟေ့´
`ဟိုက်...အဲဒါမှ ပြဿနာပဲ´

ခဲလုံးများ...ပန်းများဖြစ်စေသော်...(ဟူလို)
ကိုနော
၁၉.၃.၂၀၁၀




ဘုရားရှင်၏စကားတော်များသည်(ပို၍တိကျအောင်ပြောရသော်)ထေရ၀ါဒပိဋကတ်၌ကျမ်းပေါင်း(၅၂)ကျမ်းရှိ
သည်။ဆဋ္ဌသံဂါယနာမူအရစာအုပ်(၄၀)ဖြစ်သည်။ထိုကျမ်းများကိုခြုံငုံသဘောပေါက်ထားရန်အရေးကြီးလှ
သည်။ပိဋကတ်ကိုသီးခြားမသင်ယူနိုင်သောလူပုဂ္ဂိုလ်များအတွက်ပိဋကတ်တော်ကိုအတိုဆုံးဖြစ်အောင်နှစ်
မိနစ်ခန့်မျှ ကြိုးစား၍ပြန်ဆိုပေးလိုက်ပါသည်။မတွေ့သူကျော်သွား,တွေ့သူခုန်လွှားသွားကြပါရန်......

ကမ္ဘာ့အတိုဆုံးပိဋကတ်အနှစ်ချုပ်ကြီး


....................နဲ့  ။
...............လော့ 

[၀န်ခံချက်။       ။ထားဝယ်မြို့ ယဉ်ငေးရိပ်သာဆရာတော်ကြီး၏ သြ၀ါဒတော်ဖြစ်ပါသည်။]

ပုံ.....
အမည်မဖေါ်လိုသူ
ကိုနော
၁၇.၃.၂၀၁၀



ကဲ..ဘယ်လိုလုပ်ကြမလဲ...?                                                            

အသက်ရှိ အဋ္ဌကထာဆရာ ဗန်းမော်ဆရာတော်ကြီးဘဒ္ဒန္တကုမာရာဘိဝံသနှင့်
ကိုနော(ဂျိန်းကြောင်)ပြောင်းပြန်စီးသောမြစ်                                                            

ဂျိန်းကြောင်ဘွဲ့တံဆိပ်တော်ရ-အဇာတသတ် ဘဒ္ဒန္တ အရှင် ဦး ဆရာတော် ကိုနော

`ကိုနော....ကုလားတွေနဲ့ စကားမပြောတာ အတော်ကြာပြီနော်...။´
`အေးဗျာ...မမဝေအထူထုတ်..အဲ...အဲ...အထူးထုတ်မဂ္ဂဇင်းတော်ကြီးမှာလည်းနည်းနည်းပါးပါးဝင်ဖွနေရသေး
တယ်ဆိုတော့....ကိစ္စများမြောင်...ရဟန်းဘောင်တဲ့ကွာ..မှန်သလိုလိုတော့ရှိသား...နောက်ပြီးတစ္ဆေကလည်း
ကိုက်ချင်ချင်ရယ်.....´
`လုပ်ပီ...သင်္ကြန်ကလိုပါသေးတယ်´
`စကားမစပ် ဓမ္မဂင်္ဂါကြီးရဲ့ အတွင်းသာ ဖတ်ဖြစ်လား...?
`အတွင်သားကို တူးဖြိုခြင်းလား, ဖတ်ဖြစ်ပါတယ်...ကောင်းတယ်ဗျ....။´
`ဟာ...မင်းကလည်းသူ့ဟာမကောင်းတာမှမရှိတာကွာ...ဒါနဲ့မင်းကိုနည်းနည်းမေးကြည့်လို့ရမလား...?
`ကြီးကြီးကျယ်ကျယ်ဗျာ...အခွင့်တွေဘာတွေတောင်းလို့....ပြီးရင်ပြောချင်ရာပြောမှာကိုသိနေတဲ့ ဥစ္စာ´
`လူကြီးလူကောင်းတွေဆိုတော့တောင်းရသပေါ့ကွာ....လူကြီးလူကောင်းတွေအခွင့်တောင်းပြီးမှမေးရမယ်လို့
ဥပဒေရှိတယ်မဟုတ်လား...?
`ခင်ဗျား သဘောပါပဲ လေ...၊´

`ကဲ ဒီလိုဆို မေးပြီ ကိုပိန် ရေ...´
`လျှာရှည်လိုက်တာဗျာ...´
`ဗိုလ်ချုပ်အောင်ဆန်းဟာ ဘာဘွဲ့တွေ ရထားလဲဗျ...´
`ဗိုလ်ချုပ်ဘွဲ့ရတာမကြားဖူးဘူး...လွတ်လပ်ရေးဖခင်ကြီးလို့တော့အမြတ်တနိုးခေါ်ကြတယ်...´
` ဟုတ်ပီ...အိန္ဒိယရဲ့လွတ်လွပ်ရေးဖခင်ကြီး(နိုင်ငံ့ဖခင်ကြီး)ကကောဘယ်သူလဲ..?
`ဟာ...အဲဒါကခင်ဗျားပိုင်နက်လေဗျာ...ကိုနောကကုလားတွေနဲ့စကားပြောတယ်မဟုတ်လား..?
`ဒါဆို...ဒီလိုမှတ်ထားဗျ...မဟတ္တမဂန္ဓီကြီးကိုယုဂပုရိသ(တစ်ခေတ်တစ်ယောက်ထွန်း),ရဋ္ဌပိတာ(နိုင်ငံ့ဖခင်),
ဗာပူ(ဘဘကြီး)လို့အမြတ်တနိုးခေါ်ကြတယ်ဗျ...။´
`အော်.....အမြင်ဆုံးဘာရတ်ရတန်(ဘာရတရတနာ)ဘွဲ့နဲ့ဘယ်ကမြင့်လဲ...?
`့ဟာ..တခြားစီကွာ....ဘာရတ်ရတန်ကအစိုးရကပေးတာ...ဟိုနာမည်တွေကပြည်သူတွေပေးတာလေ...´
`ဟုတ်ပါပြီတဲ့...ဟုတ်ပါပြီ...ထင်သားပဲ...ပြောချင်ရာပြောမယ်ဆိုတာ...ဒါနဲ့အတွင်းသားနဲ့ဘာဆိုင်လဲဗျ...?
`လာမယ်လေ...မလောပါနဲ့...အိန္ဒိယရဲ့ပထမဆုံးသမ္မတဘယ်သူလဲ...ဟေ့..?
`ဒါကတော့လူတိုင်းသိတယ်ကွာ...ဒေါက်တာရာဂျင်ဒရာပရာဆာဒ်ဗျာ..´
`အေး...သူ့ကိုလည်းပြည်သူတွေကနာမည်သုံးမျိုးနဲ့ခေါ်ကြတယ် ...´
`လင်းစမ်းပါဦး...ခပ်ကျဉ်းကျဉ်း´
`တတိယ...ဗီဟာ(ရ်)ဂန္ဓီကွာ,ဒုတိယ....ဒေရ်ှရတန်(ဒေသရတနာ)ကွာ,ပထမ...ဘာဖြစ်မယ်ထင်လဲ...?
`ဟိုက် ရှားဘား ကိုယ် ဘယ်သိမလဲ...ကိုယ့်ကိစ္စကိုယ်ဆက်ရှင်းပေါ့...´
`မအံ့သြနဲ့နော်...အဇာတသတ် (အဇာတရှတ်တရု) တဲ့ကွ...´
` သြော ဟော် ဘယ့်နှာကြီးတုန်း....ပေးစရာနာမည် ရှားလို့ကွာ...´
` အဲဒါကြောင့် ပြောတာပေါ့...အတွင်းသားကို ဖတ်ပြီးပြီလားလို့....´
`အေး..ဟေ...ရေးတေးတေးတော့ဖြစ်လာပြီ...ဒါဆို အဇာတသတ်...ယှဉ်နိုင်တဲ့ရန်သူမရှိဆိုတာမှန်ပြီပေါ့´
` အင်းပေါ့...´
`ဒါဆို...အဋ္ဌကထာကိုဘယ်လိုလုပ်မလဲ...?
`အေး..ကိုယ်ကလည်းပါရဂူမဟုတ်သေးတော့မပြောတတ်ဘူး,မစ္စတာပါရဂူတော့ပြောနိုင်လောက်တယ်...
ထင်တာပဲ....ကိုယ့်အမြင်ကတော့အဋ္ဌကထာဆိုတာအဋ္ဌကထာပဲကွ...´
`ဟိုက် ရှင်းလိုက်တာ...´
 `ဒါဆို..အဲဒါထားလိုက်..ကိုနောကအဘိဓာန်ပေါင်းစုံခေါင်မြီးခြုံအိပ်နေသူဆိုတော့တိတိကျကျလေးလုပ်ပါဦး´
`ကောင်းပြီ..စာရှိတဲ့အတိုင်းပြောမယ်ကွာ..HINDI..ENGLISHအဘိဓာန်က(one)havingnoenemy(born),
without...adversary..or..equalလို့ဆိုသကွာ......ဗြူဟစ်ဟိန္ဒီအဘိဓာန်ကြီးကကုလားလိုပြောရမလား´
`ဟာ ဖေါက်ပြီ ဒီက ကောင်းကောင်းနားထောင်နေတာ..´
`ရန်သူမရှိသူ တဲ့.....ရာ့ဂ်ျပါလ်ဟိန္ဒီအဘိဓာန်ကြီးကလည်း ဒီအတိုင်းပဲ´
`ထူးတဲ့ အဘိဓာန် မရှိတော့ဘူးလား...?
` ရှိသေးတယ်ဗျို့...အိန္ဒိယသမိုင်းအဘိဓာန်(ဘာရတိယ ဣတိဟာစ် ကို့ရှ်)တဲ့...´
`လုပ်ပါဦး...ဘာတဲ့လဲ...?
` အဇာတသတ်ဟာ ဂျိန်းရော,ဗုဒ္ဓရော နှစ်ဦးလုံးကို ကိုးကွယ်ပါသတဲ့..´
` ဟုတ်... ဟုတ်ပါ့မလား ကိုနောရဲ့...´
` မပြောတတ်...စာကတော့ ဆိုတာပဲကွာ...´။
`ဒါနဲ့ အဇာတသတ် ကိုနော ဖြစ်ရောလား...?
` ဆိုင်ဆိုင် မဆိုင်ဆိုင် ဒီလိုပဲ ထွင်နေကြတာပဲ မဟုတ်လား....။
`ဒါပေါ့ ဒါပေါ့.............။
 ကိုနော
၁၄.၃.၂၀၁၀




















`

ဒီကဗျာဟာ အသစ်မဟုတ်ဘူး
ဇာတ်ကွက်ကလည်း အဆန်းမဟုတ်ဘူး
လောကမှာ အသစ်အဆန်းဆိုတာ ဘာမှ မရှိဘူးလေ...။

ဟဲ ဟဲ ကိုယ်ကတော့ လူသစ်လေးပေါ့...၊
ကိုယ်နဲ့အတူ လောကကြီးလည်း
အတွေ့အကြုံအသစ်တွေတိုးပွားနေလေရဲ့....၊
အဖြစ်အပျက်တွေ ဘယ်လောက်ဟောင်းဟောင်း
ကိုယ်က အခုမှ သိရတာ.....။

[၃.၂၀၁၀-ထုတ် ဟတ်စ်မဂ္ဂဇင်းမှ ပူဇာခိတ်လန် ၏ မယ် နယီး ဟူန် ကို ပြန်ဆိုပါသည်။]

ကိုနော
၁၃.၃.၂၀၁၀





ဓမ္မပဒအနမ်း                                                            

အိန္ဒိယနှင့်ဗုဒ္ဓဘာသာ                                                            

နှစ်ပေါင်း(၁၂၀)ကျော်က သိမ်ကျောက်စာ

ကိုနော၏ဇာတိ ထားဝယ်မြို့၏ အရှေ့ဘက်(၁၀)မိုင်အကွာတွင်ရှိသော သင်းကျွန်းရွာသည် သရက်ချောင်း မြို့နယ်ရှိ ရွာပေါင်း(၄၇)ရွာတွင်ပါဝင်သော ရွာကြီးတစ်ရွာဖြစ်သည်။ မိမိသည် သင်းကျွန်းသို့ တစ်နှစ်တစ် ခေါက် ရောက်မြဲဖြစ်သည်။ယခုတစ်ခေါက် သင်းကျွန်းရောက်ရသည်မှာ အဖိုးတန်လှသည်။ရှေးဟောင်းသိမ် ကျောက်စာတစ်ချပ်ကိုဖတ်ရှုလေ့လာလိုက်ရ၍ဖြစ်သည်။                                                                                     

ထိုကျောက်စာသည် နှစ်ပေါင်း(၁၂၀)ကျော်ပြီဖြစ်သော်လည်း အပြည့်အစုံရှိနေသည်။ တင်ပြပုံကောင်းသည်။ အချက်အလက်ဝေဆာသည်။ ဂုဏ်ယူစရာအကြောင်းအရာများဖြစ်သည်။အသိနောက်ကျခြင်းအတွက်နောင် တရမိနေသည်။(ဟာသလည်း မြောက်သေးရဲ့)
ထိုကျောက်စာသည် သင်းကျွန်းရွာ၏ အနောက်တောင်ဘက် ဗောဓိကုန်းစေတီတော်နှင့် ရတနာတန်ဆောင် သိမ်တော်၏ အမှတ်အသားဖြစ်သည်။ သင်းကျွန်းရွာမှ ပညာတတ် ရဟန်းပုဂ္ဂိုလ်,လူပုဂ္ဂိုလ် များစွာပေါ်ထွက် သော်လည်း ထိုကျောက်စာကို စိတ်ဝင်တစားမရှိခဲ့ကြ။ ရွာကိုဦးဆောင်နေကြသောဆရာတော်အဆက်ဆက် ကလည်း မေ့လျော့နေခဲ့ကြသည်။ အံ့သြဖွယ်ရှိပါပေစွ။ မည်သို့ပင်ဖြစ်စေ မပျက်မစီးထိန်းသိမ်းထားနိုင်သော သင်းကျွန်းရွာကို ကျေးဇူးတင်ထိုက်လှပေသည်။ သုတေသီများလေ့လာနိုင်ရန် စိတ်ဝင်စားစရာကောင်းလှ သော ထိုကျောက်စာကို  မူရင်းသတ်ပုံအတိုင်း အပြည့်အစုံ တင်ပြလိုက်ပါသည်။
ရှေးဟောင်းကျောက်စာ(၁)                                                            
ရှေးဟောင်းကျောက်စာ(၂)                                                            

ရှေးဟောင်းကျောက်စာ(၃)                                                            

သဒ္ဓမ္မောပါယန(သာမန်လူသား နိဗ္ဗာန်သွား)မဟာကဗျာကျမ်းကြီးနှင့်ပတ်သက်၍
ပညာရှင်များသို့ပန်ကြားခြင်း

သဒ္ဓမ္မောပါယန(သာမန်လူသားနိဗ္ဗာန်သွား)မဟာကဗျာကျမ်းကြီးကိုသီဟိုဠ်ပြည်သားအဘယဂိရိဝါသီစက္က၀တ္တီ
ဘွဲ့ရအရှင်အာနန္ဒာမထေရ်ပြုစုခဲ့သည်။မူလဋီကာဆရာရှင်အာနန္ဒာဟုတ်/မဟုတ်လေ့လာဆဲဖြစ်သည်။ ထောက်ပြပါကကောက်ရသည်ဟုသဘောပိုက်ပါမည်။(၁၂)ရာစု၌ဆင်ဟလီအက္ခရာဖြင့်ပြုစုထားခြင်းဖြစ်သည်။ 
ဤသည်မှာပညာရှင်အများစုလက်ခံထားသောအချက်ဖြစ်သည်။အငြင်းပွားဖွယ်အချို့ရှိသော်လည်းအကာဖြစ်
၍လက်ရှောင်လိုက်သည်။အကယ်၍အကျယ်တ၀င့်သိရှိလိုပါကလည်းတင်ပြပေးရန်ဝန်မလေးပါချေ။

ဤကျမ်းကို(၁၈၈၉)ခုနှစ်တွင်ရိုမန်အက္ခရာဖြင့်P.T.Sကထုတ်ဝေပြီးဖြစ်သည်။(ခြေသွက်လက်သွက်ရှိလိုက်တာ နော်)။ကိုနောကြည့်ရှုနေသောဒေ၀နာဂရီအက္ခရာမူမှာကိုနောတို့ဆရာဆန်စ်ကရစ်တက္ကသိုလ်ပါဠိဌာန
ပါမောက္ခဟောင်းပရော်ဖက်ဆာဒေါက်တာဗြဟ္မဒေ၀နာရာယန်းရှားရမားကရိုမန်အက္ခရာမှဒေ၀နာဂရီသို့
အက္ခရာဖလှယ်ပြီးဟိန္ဒီဘာသာပြန်ဆိုထားသောမူဖြစ်သည်။(ဆင်ဟလီမူမှာလက်ရေးမူဖြစ်န၍ရိုမန်မှဖလှယ်
ရခြင်းဖြစ်သည်။)

ဤကျမ်းကို..ကိုနောကမြန်မာအက္ခရာသို့ဖလှယ်ပြီးမြန်မာပြန်ဆိုပါမည်။(ဟီ..ဟိ...ဆရာကြီးဖြစ်ရချေသေး။) ဤကျမ်းသညfမြန်မာအက္ခရာဖြင့်မရှိသေးဟုယူဆရသည်။မန်မာအက္ခရာဖြင့်(ရှိ/မရှိ)သိသောပညာရှင်မျာ ဆွေးနွေးတင်ပြပေးကြပါရန်တောင်းပန်လျှောက်ထားပါသည်။ကိုနောပျင်းနေသရွေ့စောင့်ဆိုင်းပါမည်။
ကျမ်း၏သိမှတ်ဖွယ်ရာအချုပ်နှင့်မြန်မာပြန်ဆိုမည့်အစီအစဉ်ကိုတင်ပြရန်လိုအပ်ပေသည်။သို့သော်...ဆရာ့
ဆရာကြီးတို့၏စတိုင်(လ်)ဖြင့်မိန့်မိန့်ကြီးပြုံးလျက်ခေါင်းမြီးခြုံကာတစ်ရေးတစ်မောမှေးနေလိုက်ရပေသည်။

`အလုပ်မရှိ, ငုံးတိတိနှင့်
နှုံးချိ မဲ့ယောင်, အူကြောင်ကြောင်ကို
နောင်လည်း မလို, အခုလည်း ပို၏´တဲ့..။
(အိပ်မက်ထဲမှာ)

ကိုနော
၉.၃.၂၀၁၀


ငါ ရောက်လာတာ ငိုဖို့မဟုတ်ဘူး…၊
အရိပ်ရမှ သိပ်လှတယ်ထင်ရင်
လည်ကိုသာ လှီးကြတော့
ငါ့သွေးက ရွှေမဖြစ်တောင်
ရေထက်တော့သာတယ်….။
 တစ်ကိုယ်လုံး ခုတ်လှီး,
သွေးချောင်းစီးလည်း ကျေနပ်တယ်…။

အလို…..
သူတို့တစ်တွေ
ကြော့ရှင်းလို့ပါလား...၊
ငါ့မှာတော့...
မှန်မကြည့်ရဲတာ ကြာလှပေါ့….။

သွေးတွေလည်း ပေးရဲတယ်...၊
ခန္ဓာနဲ့လည်း ရင်းရဲတယ်.....၊
ကမ္ဘာမြေနဲ့ မိတ်ဆွေဖြစ်ခဲ့ပြီးတာတောင်မှ
ရှင်သန်ခွင့်ထက်
    ပို မမျှော်ဘူး….။

မှတ်ချက်။         ။ ပုံပါအပင်သည် စွန်ပလွံပင်ဖြစ်သည်။ ကိုနောတို့ ကျင်လည်ရာ ဗီဟာ(ရ်)နှင့်ယူပီပြည်နယ် များတွင် ထန်းပင်ကဲ့သို့ အရည်ထုတ်ယူသောက်သုံးကြသည်။ သို့သော် စွန်ပလွံကား ပင်စည်ကို အလှီးခံရ သည်။ (ကျွတ်  ကျွတ်....ကျွတ်...အဟွတ်)

ကိုနော
၈.၃.၂၀၁၀






ကြိုတင်လျှောက်ထားတောင်းပန်ခြင်း။
ကဗျာတစ်ပုဒ်ရေးမိပြန်ချေပြီ။ဤကဗျာမျိုး တင်သင့်/မသင့် နုနယ်သော ကိုနောအနေဖြင့် ခွဲခြားနိုင်စွမ်းမရှိခဲ့ ချေ။သမာဓိကြီးမားကြသော ရှင်,လူ,ရဟန်းပုဂ္ဂိုလ်များအနေဖြင့် အမြင်မတော်သည်များကို ဆုံးမပါက ဆု လာဘ်အဖြစ်ခံယူပါမည်။ကိုနောသည် သာသနာပြုပုဂ္ဂိုလ်မဟုတ်၊၀ါသနာအရ ကလောင်သွေးဆဲခပ်ကြောင် ကြောင် ဘလောဂ့်ဂါတစ်ဦးသာဖြစ်ပါကြောင်းရိုးသားစွာဝန်ခံအပ်ပါသည်။

 
 
မထင်မှတ်ပဲ ပေါက်သွားတဲ့ ဇာတ်ထုပ်
အခုတော့ ကပ်ရှုပ်နေရဲ့
ကိုယ်က အားထည့် ကခဲ့မိတာကိုး....။

`ဦးနော ဒီကလေ...
မျိုသိပ်ရတာ  မနည်းမနော
စောင့်ခဲ့ရတာ ဖတ်ဖတ်မော
သင်္ကြန်မတိုင်ခင် ပြတ်ပြတ်ပြော
ခင်လေးအသက် အစိတ်ပြည့်ပြီရှင့်...။´

`တောခိုချင်စိတ်ရယ်နဲ့ သပိတ်ကိုလွယ်,
သားရေနွယ်တဲ့ ရှာတုန်း....၊
ချောင်အနီးမှာလ,
မောင်ကြီးကို  တစ္ဆေကိုက်လိမ့်မယ်
မင်း.....လိုက်ခဲ့ဦး.....။´
(၀ါး...ဟား...ဟား....ဟီး ဟီး...ဟဲဟဲ...ခစ်ခစ်...ခစ်...အဟစ် အဟစ်)
ရယ်ရတယ် ဟေ့.....၊
ကိုယ်ကတော့ မရယ်နိုင်
တမှိုင်မှိုင်ပေါ့...၊
အသိနဲ့သတိကို ဆွဲစပ်
တွဲကပ်ဖို့ ကြိုးစား
အာရုံကို ဆွဲစု
အလုပ်တစ်ခုထဲ သော့ခတ်ထားလိုက်
ပစ္စုပ္ပန်ကို မျိုချလိုက်
အတိတ်တွေဟာ မိတ်ဆွေ မဟုတ်လားကွယ်...?

`ဆယ်နှစ်ကျော် ပျိုးခဲ့တဲ့အပင်
အခုမှ ဖူးပွင့်စ
ကိုယ့်ကို ချက်တဲ့ ဖိုချောင်ယံအတွက်
ရှင်သန်ခဲ့တဲ့ မြေယာအတွက်
အသီးလေးတော့ ကြွေချင်သေးတယ်,
အစဉ်အလာအရ
မင်းမှာလည်း အခြားရှိဦးမှာပါ....၊´

`ဒီကောင်လေးက အေးပါတယ်´
သတင်းစကား ချိုလား  ခါးလား...?
နှလုံးသားက ငိုလား   ပြုံးလား....?
လက်ကိုင်တရား တောင်သွား မြောက်သွား....။

`တွေ့တဲ့လူနဲ့ သင့်အောင်ပေါင်း
သာအေးက အသာလေး ကျွေးနိုင်တယ် ခင်လေး
သူ့ဆိုက်ကားလေး ရှိနေသရွေ့ပေါ့....၊
မင်း နေကောင်းရင်ပြီးတာပဲ.....။´

လွတ်သွားတဲ့ ငါးက ကြီးလိုက် သေးလိုက်.....၊
ကိုယ့်အလုပ်က ပူလိုက် အေးလိုက်.....၊
ရှေ့ခရီးက မြင်လိုက် ၀ါးလိုက်.....၊
ကိုယ့်ပန်းတိုင်က ဖြူလိုက် မဲလိုက်.....၊
ပုထုဇဉ်ဘ၀ ဖုတ်လှိုက် ဖုတ်လှိုက်....။

မှတ်ချက်။        ။မြန်မာဘာသာဖြင့်ရှိနှင့်ပြီးသော အကြောင်းအရာတစ်ခုကို တိုက်ရိုက်မြန်မာပြန်ဆိုပါသည်။
                     ဤအကြောင်းအရာကို တကယ့်အဖြစ်အပျက်ဟု တစ်စုံတစ်ယောက်က ထင်မြင်ယူဆပါက ကိုနော၏တင်ပြပုံညံ့ဖျင်းမှုကြောင့်သာဖြစ်ပါကြောင်းအသိပေးအပ်ပါသည်။ တိုက်ဆိုင်မှုတော့မရှိလောက်ဟု ယူဆရပါကြောင်း။ကြိုးစားနေပါဦးမည်။ အားပေးနေခြင်းကို အထူးလေးစားပါသည်။

ကိုနော
၇.၃.၂၀၁၀

























`အိပ်မက်ပဲ အမေရယ်
အိပ်ရင်တော့ မက်မှာပေါ့´တဲ့
မအိရဲ့ကဗျာ,မှန်လိုက်ဘိခြင်း…။

ခက်တာက….
ကိုယ်က ကောသလရယ်
အိပ်မက်တွေက တောင်ရောက် မြောက်ရောက်
ကိုယ့်ကို ပြန်ပြန်ခြောက်လို့…..။

ဒီအရွယ်ရောက်မှ
အသားသာ နာပါစေ
အားနာလို့ မဖြစ်ချေတော့
မင်းမကြိုက်လည်း ငါ ငြင်းတယ်…..။

`ခုနစ်အိမ်ကြား ဘုရားဝတ်ပြုတတ်သူမဟုတ်ဘူး…၊´
`ထမင်းစားချိန် အိမ်လည်တတ်သူမဟုတ်ဘူး…...၊´

`တောင်းခံခြင်းနဲ့ရန်မဖြစ်ဘူး…၊´
`အသနားခံခြင်းကို လက်ကိုင်မပြုဘူး…၊´

`ကဗျာမဆန်သူမဟုတ်ဘူး…၊´
`ကဗျာဆရာမဟုတ်ဘူး….၊´

`အဆိုကျော်မဟုတ်ဘူး…၊´
`သီချင်းစာသား မဟုတ်ဘူး…၊´

`ဦးဝင်းတင်မဟုတ်ဘူး…၊´
`၈၈ နောက်ပိုင်းမွေးဖွားသူ မဟုတ်ဘူး…၊´

`သာမညဆရာတော်မဟုတ်ဘူး….၊´
`ဘင်လာဒင်မဟုတ်ဘူး…..၊´

`မင်းသိင်္ခမဟုတ်ဘူး…၊´
 `ဖြူဆရာတော်မဟုတ်ဘူး…၊´

`ကျောင်းမနေဖူးသူမဟုတ်ဘူး….၊´
`ကိုးဘွဲ့ရ ရှင်အာစာရမဟုတ်ဘူး…၊´

`ဥရုဝေလတောကို မသွားဘူး…၊´
`အိပ်,စား,ကာမ မဟုတ်ဘူး….၊´

`ငါ ဘာမှမဟုတ်ဘူး….၊´
`ငါ ဘာမှမဟုတ်ဘူးဆိုတာ မဟုတ်ဘူး…၊´

ကိုနော
၅.၃.၂၀၁၀

 
နွေရာသီဖက်ရှင်တီထွင်သူ ဂျိန်းဘုရားမဟာဝီရ

 
ဂျိန်းဘာသာအမှတ်တံဆိပ်
(ဤပုံ google မှ ယူသည်။)

 
ဆွေတမ္ဗရဂိုဏ်းဝင်ရဟန်းများ 
(ဤပုံ google မှ ယူသည်။)

ဒိဂမ္ဗရဂိုဏ်းဝင်
ငယ်ငယ်ရွယ်ရွယ်ဖြင့်ကျော်ကြားသော ၀ိမလသာဂရ

 
ငယ်ငယ်ရွယ်ရွယ်ဖြင့်ကြောင်သွားသော ဂျိန်းတစ်ဝက် နောသာဂရ 

ညှိနှိုင်းအတည်ပြုခြင်းကိုသံဂါယနာဟုခေါ်သည်။(သံဃာရတနာမဟုတ်ဘူးနော်။)သင်္ဂါယနာ,သံဂီတိ,သင်္ဂီတိ,
မဟာသံဂီတီဟုလည်းခေါ်ဝေါ်ကြသည်။ဗုဒ္ဓသာသနာတော်၌သံဂါယနာခြောက်တန်ကျင်းပခဲ့ပြီးဖြစ်သည်။ အိန္ဒိယသမိုင်းဆရာများကတော့အိန္ဒိယ၌ကျင်းပသောလေးကြိမ်ကိုသာမှတ်တမ်းတင်ကြ၍သီရိလင်္ကာနှင့်
မြန်မာပြည်တို့တွင်ကျင်းပသောသုံးကြိမ်ကိုခပ်ပါးပါးလုပ်ထားကြသည်။(ဖျောင်း....ဖျောင်း...ဖျောင်း...)

ကိုနောတို့ဂျိန်းသာသနာမှာတော့(ဟဲ..ဟဲ..နွေရောက်တော့မယ်ဆိုတော့ဂျိန်းဖက်ရှင်ကခေတ်စားဦးမှာပဲလေ
ခင်ဗျားတို့လည်းလေ့ကျင့်ထားတယ်မဟုတ်လား..?)သံဂါယနာနှစ်တန်သာကျင်းပနိုင်ခဲ့သည်။
ဘီစီ(၃၂၂မှ၂၉၈)တွင်စထူလ်ဘဒ္ဒရဦးစီး၍ပါဋလိပုတ္တရာ(ပတ္တနား)၌ပထမအကြိမ်းကျင်းပခဲ့သည်။
ဒုတိယအကြိမ်ကိုတော့ခရစ်(၅၁၄)တွင်ဒေရ်ဝဒ္ဓိချမာရှဝန်ဦးဆောင်ကာဝလ္လဘီမြို့၌ကျင်းပခဲ့သည်။
ထိုအကြိမ်၌ပေထက်အက္ခရာတင်ကြသည်။(ဖျောင်း... ဖျောင်း..)

ဂျိန်းဘုရား(၂၄)ဆူရှိသည့်အနက်ရိရှဘဒေ၀သည်ပထမဆုံးပုဂ္ဂိုလ်ဖြစ်၍မဟာဝီရဆွာမိသည်နောက်ဆုံးနှင့်
နွေရာသီဖက်ရှင်ကိုတီထွင်သူဖြစ်သည်။မဟာဝီရသည်ဝေသာလီအနီးကုဏ္ဍလဂရာမ်၌ဘီစီ(၅၉၉)တွင်မွေးဖွား သည်။ငယ်နာမည်ဝဒ္ဓမာနဖြစ်ပြီး,မိဘတို့မှာသိဒ္ဓတ္ထနှင့်တရိရှလာတို့ဖြစ်သည်။မဟာဝီရသည်ယရှိုဒါနှင့်ထိမ်း မြားခဲ့ပြီးသမီးလေးတစ်ယောက်ထွန်းကားခဲ့သည်။

အသက်သုံးဆယ်အရွယ်တွင်အမှန်တရားကိုရှာဖွေရန်တောထွက်ခဲ့သည်။(၁၂)နှစ်ကြာကျင့်ကြံပြီးနောက်
ဇမ္ဘိကဂရာမ်အနီး၊ရိဂျုပါလိကာမြစ်ကမ်းနားသစ်ပင်တစ်ပင်အောက်၌မြင့်မြတ်ဆုံးဉာဏ်(ကေ၀လျ)ကိုရရှိခဲ့ သည်။မြင့်မြတ်ဆုံးဉာဏ်(ကေ၀လျ)ကိုရရှိပြီးနောက်မဟာဝီရသည်ကေ၀လိန်,ဂျိန(အောင်နိုင်သူ),နိရ်ဂန္ထ (အနှောင်အဖွဲ့ကင်းသူ),အရဟတ်(စင်ကြယ်သူ)စသောနာမည်များဖြင့်ထင်ရှားလာသည်။ဘီစီ(၅၂၇)ခု,
အသက်(၇၂)နှစ်ခန့်တွင်ရာဇဂြိုဟ်အနီးပါဝါပူရီ၌ကွယ်လွန်သည်။(ဖျောင်း....)

ဂျိန်းဓမ္မများကိုပြာကရစ်ဘာသာဖြင့်မှတ်တမ်းတင်ထားသည်။မဟာဝီရဟောကြားထားသောတရားများမှာ
မူရင်းအားဖြင့်(၁၄)ကျမ်းရှိသည်။နောက်ပိုင်း၌အင်္ဂ(၁၂)ကျမ်း,ဥပအင်္ဂ(၁၂)ကျမ်းဟုခွဲခြားထားကြသည်။
ထိုကျမ်းများ၌မဟာဝီရ၏ဖြစ်တော်စဉ်များ,ဂျိန်းဓမ္မလမ်းညွှန်ချက်များ,ထိုခေတ်နိုင်ငံရေး,လူမှုရေး,စီးပွားရေး အခြေအနေများပါဝင်သည်။ဂျိန်းဘာသာ၌ဆွေတမ္ဗရ(အဖြူဝတ်)ဂိုဏ်းနှင့်ဒိဂမ္ဗရ(ဘာမှမ၀တ်)ဂိုဏ်းဟုအုပ် စုနှစ်ခုရှိ်သည်။ဆွေတမ္ဗရဂိုဏ်း၌ရဟန်းမ,ရှိ၍ဒိဂမ္ဗရဂိုဏ်း၌ရဟန်းမ,မရှိချေ။(တော်သေး...ဒယ်..၊ငှယ်...ငှယ်)
သာမာန်နျဂျန်၂၀၁၀-မှထုတ်နှုတ်ပြန်ဆိုသည်။အကြောင်းညီညွတ်ပါကအကျယ်လာပါလိမ့်ဦးမည်။

www.webindia123.com/religion/jainism/principl.htmကိုလည်း ချောင်းကြည့် ဦးပေါ့လေ။

မှတ်ချက်။       ။ဖျောင်းသည်လက်ခုပ်သံမဟုတ်၊လက်ခမောင်းခတ်သံဖြစ်သည်။
                     ပထမဖျောင်း(၃)သည် ဒီလအတွက်အိမ်လခပေးပြီးသည်ကိုရည်ရွယ်သည်။
                     ဒုတိယဖျောင်း(၂)သည် ဆန်ငါးကီလိုဝယ်ပြီးသည်ကိုရည်ရွယ်သည်။
                     တတိယဖျောင်းသည်(၂)ပိုင်းအတွက် မီတာခရှင်းပြီးသည်ကိုရည်ရွယ်သည်။

ကိုနော
၂.၃.၂၀၁၀





 
(၁)
`ရုံး၏ခွင့်ပြုချက်မရဘဲ သေဆုံးသွားသူ၏ 
လစာကို မည်သူထုတ်ပေးသနည်း......?´

(၂)
`တို့ကျောင်းနောက်က စိန်ပန်းတော
ပျိုကလေးတွေ လက်နဲ့ ခေါ
ရွှေမော်ဓောမှာ တင်သလေ.....။´

(၃)
`မခင်အေး
ဘီအေ နောက်ဆုံးနှစ်
အမေ့နားပေါက် ဟောင်းလောင်း...။´

ခရီးတစ်ဝက်လမ်းဆုံ
လွှမ်းခြုံခဲ့တဲ့ ဇာတ်လမ်းအကျဉ်း
ခပ်ရှင်းရှင်းပဲ နမ်းလိုက်တယ်...။

တခါတလေ
နေရာလွဲလို့ မှားလား မှားရဲ့...။
တခါတလေ
အဆင်ပြေပါလျက် အဓိပ္ပါယ်မဲ့ခဲ့...။
တခါတလေတော့
အသွင်မလှပေမယ့်
အထင်ကရလည်း ဖြစ်ခဲ့ဖူးတယ်...။
(တော်သေးတယ်ဗျို့)
လက်ကျန်ရှေ့ခရီး
ထီး,အကာ ပါရဲ့လား...?
စီးစရာ သာရဲ့လား.....?
ဟန်ကျနိုင်ပါ့မလား....ဟေ...။

ကိုနော
၁.၃.၂၀၁၀
ဆန်ကုန်သွားသဖြင့် ဘယ်လောက်တန်ဆန်ဝယ်ရကောင်းအံ့ဟုစဉ်းစားနေသောအချိန်